小恐龍齊打交 DIY Kit

｜旅遊習作-小恐龍齊打交 新春DIY KIT🦖👊💢｜ Project 12 Zodiac 嚟到第9年！ 今年身在外地，多謝各方朋友們不時問我今個新年會唔會出product，令到我12月終於的起心肝畫設計圖...所以先會有呢個《 #旅遊習作 》，記錄我係呢個旅程入面諗到嘅idea，之後仲會有其他分享~ 12生肖入面我覺得最難就係龍同埋蛇！龍年嘅設計其實我彈出彈入推翻咗好幾個概念，由傳統中式龍跳到去食字嘅恐龍，最大嘅原因係一直都想做一件關於T-rex嘅product，因為佢手很短很可愛！ 於是就有呢個T-rex手很短但又要同人隻抽嘅諗法，矛盾嘅地方係佢手咁短，點先可以打到人呢？ (我明白正常嘅T-rex係用口同埋條尾，但我想佢用手，ok？) 係歐洲嘅Christmas market 遇到好幾間賣doll house小配件嘅檔攤，基本上咩生活用品都會有迷你version，見到一系列嘅斧頭、鐮刀，即刻令我諗起，比武器T-rex拎住咪打到交囉？！ 於是就有左今年嘅「小恐龍齊打交 DIY Kit」喇~ #暴露年齡系列 
時間緊迫，畫好1:1嘅設計圖之後，就開始用手邊有嘅材料整proto，包括木刀、筷子同大頭針，呢個時候早前買嘅瑞士軍刀大派用場！除咗削木仲可以鑽窿，非常方便~ 呢proto主要係測試手部機關work唔work，之後再做木version出現唔同嘅問題，下一個post再同大家詳細講~ 
咁又平安完成咗龍年嘅Project 12 Zodiac喇，有興趣買嘅朋友請去bio嘅link度落單，如果係想要嚟對戰嘅記得係揀2隻套裝呀~
 祝大家 新年快樂，身體健康~！