聖誕酒箱手風琴 DIY Kit

https://youtu.be/KWsM05FI_TA ｜紅酒箱手製手風琴 D.I.Y Kit !｜ 自從第一個鐵盒手風琴面世之後，好多朋友都inbox問我會唔會有workshop同大家一齊整，呢段期間都有試過開一個小班，不過當中遇到好多問題，包括每個鐵盒嘅size都唔同，各種零件 (最重要係紙摺嘅風琴位)都要配合返個鐵盒tailor-made，非常耗時，所以鐵盒呢個物料唔可行。經過左製作3個唔同嘅手風琴版本，最後決定用紅酒箱木、同埋第一個月餅盒嘅尺寸去做一個10音嘅 D.I.Y Kit！ 當中解決左最大嘅兩個難題： 1/ 琴鍵 有留意之前嘅3個版本嘅朋友應有留意到，3款琴鍵嘅設計同如何推動都唔同，加上要令大家係屋企都能夠順利做到，就更難！所以今次嘅D.I.Y Kit 琴鍵用左好多時間做測試同改良，真係搣開有血的 2/ 風琴位置 兩邊音箱有左一個standard size之後，終於可以做刀模了！！！大家唔洗再自己畫壓線喇！！！跳起yea！ 手製手風琴 終於走到做workshop同D.I.Y Kit嘅呢一步，多謝大家一路嘅支持！