小巴牌布Tee － 紅底白字 － 多個地點選擇

紅色的小巴，像是帶著神秘 藍港島、綠九龍（新九龍）、黃新界、紅過海，講緊嘅其實係以前運輸署對紅Van牌布嘅顏色規定。 紅Van係一件好奇怪嘅產物，法例上，佢的確受到政府嘅監管，例如牌照嘅數量、可用嘅車款、座位數量、可行駛嘅地區，甚至連路線牌嘅顏色、規格亦都有相應嘅法例，但同時，佢嘅路線、收費卻係任由經營者自行釐定，司機可以隨住實時嘅路面情況、客量分佈而改變行車路線，至於收費？打風收貴啲又得，壞火車收你二百蚊一位又得。 之不過，其實背後又有另一股嘅力量，去管理返唔同嘅路線營運，當中好多嘢係唔會白紙黑字咁寫出嚟，只能靠唔同人口耳相傳，以上呢一啲似有還無嘅秩序，其實係好引人入性，亦都係我不斷會踩落去研究呢個文化嘅原因。 講返塊布先，由於以前嘅紅Van一般唔係由公司經營，每部車可能都係由唔同車主持有，有啲又會租俾唔同司機去揸，司機又可以選擇行駛唔同嘅路線，所以每部紅Van路布嘅地點，都會因住實際情況而有所唔同。 而安裝路布又可以揀唔同嘅公司去做，每間公司嘅出品又會有自己嘅特色，而以前每塊都係手工做，有時個字模放斜咗，擺闊咗，又或者生產方式唔同，出到嚟嘅成品又會有啲差別 不過隨住近年公共運輸嘅發展同政策轉變，令紅Van面對嘅競爭愈嚟愈大，紅Van數目亦喺今年跌至新低，同時新嘅車型已經轉用電子顯示器，就算用牌布嘅，都唔再係人手製作，加上早幾年政府亦都放寬法例，唔再限定地點牌布嘅顏色組合，呢啲嘅藝術品，嚟緊只會愈嚟愈少，見到嘅好望多兩眼喇。 本地人手印刷。