酒箱三角琴DIY Kit

https://youtu.be/EZs3ngQRxHQ *可選面板，下單後請留意inbox~ |酒箱三角琴 DIY Kit ！| 呢段時間除左改良兩個尺寸嘅三角琴之外，仲有忙住跟進生產、物料同包裝嘅事，以下同大家講下同初版有啲咩唔同： 1/ 音色 之前有網友留言覺得25鍵琴仔嘅音色較刺耳，原因係初版用左較幼身嘅發聲鋁枝去做，敲出黎較高音、響亮同埋餘音好長，如果彈一首比較長嘅歌，啲餘音重疊埋就會變得刺耳；改良版轉用粗身鋁枝，係片段入面大家可以聽到音色低左少少，而且較圓渾，餘音短左，聽起上黎舒服左~ 2/ 尺寸 琴仔嘅深度取決於鋁枝嘅長度，改良版轉用左粗身鋁枝，鋁枝嘅長度可以按比例縮短，所以琴身深度自然係短左，無咁bulky，無咁佔位置~ 3/ Stopper 同樣地為左解決餘音太長嘅音題，改良版係發聲部份加上左stopper，可以即時停止餘音~~~ - 明白大家有擔心自己整唔黎，對比起手風琴，三角琴的確需要更多時期完成，除左因為零件較多之外，亦多左重複嘅步驟(例如重複整琴鍵、穿鋁枝)，大家需要做啲簡單嘅木工；不過技巧上就無手風琴咁難了，唔需要摺最難理解嘅風箱，基本上跟著教學逐步，加少少耐性就能夠完成！