【訂製商品】做錯就屌凸字膠牌 - 白底黑字

人人諗起呢句嘢，就會即刻諗起杜Sir杜琪峰導演。 呢件事係一個好美麗嘅誤會，句嘢其實係出自一張網民嘅改圖，但亦都錯唔哂嘅，因為杜Sir的確係身體力行地實踐緊呢件事出嚟。 「我鬧人我認，我冇得話我冇鬧過，我係鬧佢，我唔鍾意就係咁，我覺得作為一個專業人士，每個人應該識謹守自己崗位，每個人應該有自己Professional嘅態度喺度。」 「你做乜撚嘢諗我諗乜，我諗到就我拍啦，你諗返自己嗰啲啦……唔好因為投入好多時間好多感情去做，就以為已經呈現出嚟，其實未得呀！」 「你搞幾撚多嘢都係錯嘅，仲要駁咀！你真係反思吓你做緊咩呀。」 「你喺現場就做現場嘢呀嘛，唉錯撚哂嘅全部都。」 睇嗰吓實覺得好笑㗎，因為唔係屌緊你呀嘛，但當你俾人屌緊嘅時候，唔知又笑唔笑得出呢？我自細就成日俾人鬧駁咀，老母仲會打多兩錢重，就算到依家大個咗，有時都拿捏唔到據理力爭同誠心認錯呢兩回事，但做錯就要俾人屌，某程度上都唔係一件壞事，屌你就應該，唔屌你有時其實仲悲哀，而俾人屌完，要識得反思改過，呢個就真係人生一大課題喇。 為提醒自己唔好再做錯事俾人屌，特地搵本地師傅幫我做咗呢塊嘢，來來去去幾轉，改良過後又想同大家分享，而亦我堅持做凸字，工序係麻煩好多，由開料、𠝹字、再對位逐忽黐上去，每個過程都要花上時間同功夫，但凸字真係靚好多，亦都有返嗰種年代感，寧願俾貴啲，但都想要件靚啲嘅嘢。 此乃訂製商品，落單付款後，請預留約三星期俾師傅排單開工，急嘅話就幫唔到你喇。 - 大小約 30 x 10 cm